Jaano dil se tum pe qurbaan meri jaan Gause paak
Hai salamat tum se mera deeno imaan Gause paak
Main tera adna bhikaari tu mera Sultan hai
Hai qasam ki mera deeno imaan Gause paak
Main tera mamlook tu Malik main banda tu hai Shaha
Tu sulemaa(n) aur main more sulemaa(n) Gause paak
Sajda gaahe Auliya e dahar hai naqshe qadam
Aur teri naale muqaddas taaje Shaha Gause paak
Auliya hain sab salaateen hum riaaya wa ghulam
Auliya hain sab ra’ayat aur Sultan Gause paak
Haath khali roosiya aasi ye sab kuch ho magar
Naam hai tera mere seene mein pinha Gause paak
Aap ki chashme karam ka ik ishaara ho jaaye
Do jahaan ki mushkile ho jaaye aasaan Gause Paak
Naaz qusmat par karu paau jahaan ki sarwari
Teri chsukhat ka agar ban jaau darbaar Gause paak
Kab bulaye apne dar par kab rukhe anwar dikhaye
Kab nikale dekho mere dil ka armaan Gause paak
Zindagi mein naz’aa main markad mein hashr nashr me
Har jagah hain apne bando ke nigehbaan Gause paak
Aap ka naame muqaddas mere mere dil par naqsh hai
Meri bakhshish ke liye kaafi hai saamaan Gause paak
Hum bhi isiyan le ke jaayenge badalne ke liye
Hashr mein kholenge jab rehmat ki dukaan Gause paak
Koi pooche ya na pooche baat kuch khatra nahi
Hashr mein hain hum gunahgaaron ke pursaan Gause paak
Meri aankhen tera gumbad teri teri chaukhat mera sar
Mera laasha aur ho tera bayabaan Gause paak
Pursishe aamaal ka hai waqt Maula al madad
Naam lewon ko chupa lo zere daamaan Gause paak
Bheja tune hi Moinuddin Chishti ko yaha
Hind mein tere sabab se hai musalmaan Gause paak
Tere hote aaye yoon Musalmaanon mein za’af
Al madad Ya Abdul Qadir Shahe Jeelan Gause paak
Kaale kaale kufr ke baadal umand kar aaye hain
Al madad Ya Qutbe Aalam Shahe Jeelan Gause paak
Lut raha hai kafila Baghdad wale le khabar
Al madad Mehboobe Subhaan Shahe Jeelan Gause paak
Hai kidhar aa dekh to bandon ki haalat kya hui
Aye mere baghdaad wale Shahe Jeelan Gause paak
Zaalimon ne zulm se bando ko kar daala halaak
Al madad baghdaad wale Shahe Jeelan Gause paak
Laaj waale Sunniyon ki laaj tere haath hai
Qadri Manzil ke Dulha Shahe Jeelan Gause paak
Ho Raza par lutf tera hum par unka lutf ho
Unka daamaan hum pe un par tera daamaan Gause paak
Kijiye imdaad izzat do jahaan ki dijiye
Hai Jameele Qadri Adna Sanakhwa Gause paak