Arshe Ulaa Se Paar Hai Sarkaar Ke Qadam
HaaMeem Hai woh Noor Hai Woh NoonWalQalam

Unke Karam Se Yoon To Duniya Mein Jee Rahe
Mehshar Mein Hoga Aur Hee Andaaz Se Karam

Hoga Qayaam Aap Ka Arshe Khuda Ke Paas
Hoga Yadullah Haath Mein Taa’reef Ka Alam

Shaahe Rusul Bhi Aap Hai Shaahe Umam Bhi Aap
Dekhenge Sab Rasool Bhi Dekhenge Sab Umam

Daaman Mein Mujh Ko Unki Ata Ne Chupa Liya
Mujh Roosiya Ka Reh Gaya Mehshar Mein Yoon Bharam

Ammaar Ho Bilaal Ho Yaasar Ho Ya Umar
Pyare Nabi Ke Saare Sahabi Hai Mohtaram

Jalwe Madine Paak Ke Saaim The Saamne
Jab Kar Raha Tha Naat Mein Sarkaar Ki Raqam