Auj e Rif’at Pe Jahan Sarware Do Raah pohche
Nahi Mumkin Ke Waha Koi Bhi Insaan Pohche

Jis Jagah Hazrate Jibreel Ke Par Jalte Hai
Us Bulandi Pe Mere Aaqa e Zeeshan Pohche

Ambiya Behre Ziyaarat The Khade Aqsa Mein
Leke Afwaaj e Malak Jab shahe Shaaha Pohche

Wada e Bakhshish e Ummat Kiya Rab Ne Inse
Leke Ummat Ka Woh Jab Daftare Isyaa Pohche

Saire Atraaf e Huqoomat Mein Ho Jaise Haaqim
Saire Aflaak Pe Yoon Dhar Ke Woh Sultaan Pohche

Khuld Tak Haath Ki Unki Hai Rasaayi Tayyib
Bas Woh Aizaaz Tha Jab Ban Ke Woh Mehmaan Pohche