Kya Mojiza Hai Arsh Par Jaana Rasool Ka
Milkar Khuda ki zaat Se Aana Rasool Ka

Koi Karega Kya Bayaan Rutba Rasool Ka
Hai Saari Qainaat Me Charcha Rasool Ka

Ik Taazgi Utar Si Gayi Meri Rooh Mein
Mere Labon Pe Naam Jo Aaya Rasool Ka

Arzo Samaan Pe Isliye Hai Jashn Ka Samaa
Arahe Baree Pe Aaj Hai Jaana Rasool Ka

Meraj Par Bhi Bakhshishe Ummat Ki Fikr Thi
Ahsaan Ummati Pe Hai Kitna Rasool Ka

Meraj  Par Bhi Bakhshishe Ummat Ki Fikr Thi
Ahsaan Ummati Pe Hai Kitna Rasool Ka

Roohul Ameen Se Poochiye Chooma Tha Aap Ne
Kitna Haseen Tha Paao Ka Talwa Rasool Ka

Aasif Use Ho Maut Ki Sakhti Ka Khauf Kyu
Jiski Nazar Ke Saamne Ho Chehra Rasool Ka