Wadduha Rukh Ka Andheron Mein Ujala Chahiye
Behre Gham Mein Doobton Ko Kamli Wala Chahiye

Jo Mujhe Ek Pal Mein Le Jaaye Dare Mehboob Tak
Woh Fugaa(n) Woh Dard o Gham Woh Aah Woh Naala Chahiye

Rehmate Haq Khud Badhegi Bakhshwane Ke Liye
Hashr Ke Din Bas Muhammad Ka Hawala Chahiye

Maine Kab Mange Hai Khane Khuld Ke Jannat Ke Phal
Bas Mujhe To Unke Haathon Ka Niwala Chahiye

Kar Sakoge Kis Tarah Unse Sahaba Ko Juda
Gird Madni Chand Ke Taaron Ka Haala Chahiye

Hajre Aswad Khoob hai Hooron Ke Khaalon Ke Liye
Par Habash Wale Ka Unko Fang Kaala Chahiye

Baand Kar Aqsa Mein Saf Nabiyon Se Adam Ne Kaha
Is Imamat Ko Nabi Aala Se Aala Chahiye

Jo Yazeedon Se Bachale Hurmate Islaam Ko
Phir Hussain Ibne Ali Jaisa Jeela Chahiye

Soorate Memboob Ko Haq Ne Bana Kar Ye Kaha
Aisi Soorat Par To Rehmat Ka Do Shaala Chahiye

Kaun Kar Sakta Hai Naate Mustafa Ka Haq Ada
Phir Bhi Kuch Andaaz To Saaim Nirala Chahiye