Tum Rab ki sana ho Quran numa ho
Tum Noore Khuda ho ya Nabi tum Noore Khuda ho
Maangi hui Rab se Nabiyon ki dua ho
Tum Noore Khuda ho ya Nabi tum Noore Khuda ho

Takhleek e do aalam ye tum se hui hai
Sadqe me tumhare ye bazm saji hai
Har shai me shahe di tum jalwa numa ho
Tum Noore Khuda ho ya Nabi tum Noore Khuda ho

Tum awwalo aakhir tum zaahir o baatin
Tum tayyab o taahir tum qasim o khazir
Zahir me bashar ho tum sab se juda ho
Tum noore khuda ho Ya Nabi tum Noore Khuda ho

Tum saaqiye kauthar tum shafaye mehshar
Kaunain ke mehwar tum haadi o rehbar
Taazeeme nabi me khud kaaba jhuka ho
Tum noore khuda ho Ya Nabi tum Noore Khuda ho

Do tukde qamar ho paththar padhe kalma
Suraj bhi ye palte angusht se chashma
Kya kuch na hua ho jo tumne kaha ho
Tum noore khuda ho ya Nabi tum Noore Khuda ho

Aaqa se kare hai bas arz ye daanish
Aa jaana lahad me hai itni guzarish
Aye Rehmate Aalam deedar ata ho
Tum Noore Khuda ho ya Nabi tum Noore Khuda ho