Hai kitna haseen Ahmade Mukhtar ka chehra
Qur’aan hai mukammal mere Sarkaar ka chehra

Takte hai sabhi hashr me ghamkhaar ka chehra
Sarkaar dekhte hai gunahgaar ka chehra

Chun chun ke shafa’at mere Sarkaar karenge
Woh jaante hai apne wafadaar ka chehra

Shabbir ki gardan se ulajhne ki saza dekh
Hai utra hua aaj bhi talwaar ka chehra

Tum bhool hi jaaoge miya chaand sitaare
Aate hi nazar Ahmade Mukhtar ka chehra