Ghata zulmat ki chayi hai Ya Rasoolallah
Meri hasti ko taabinda bana do Ya Rasoolallah

Padi hai kashti ummat bhawar me tez toofa(n) hai
Kinaare se zara isko laga do Ya Rasoolallah

Tadapta hu mai muddat se tumhari deed ko Aaqa
Mujhe deedaar ka sharbat pila do Ya Rasoolallah

Zamana dar pe aazaar hai jau kaha Aaqa
Ghamo alam ke baadal hata do Ya Rasoolallah

Tumhi ho Sarware Aalam tumhi ho Rehmate Aalam
Meri Khwaabida qismat ko jagaa do Ya Rasoolallah

Tumhare sange dar Maqsoode Aalam hai Shahe Batha
Isi dar par hume thodi jagah do Ya Rasoolallah