Koi Nabi nahi hai mere Mustafa ke baad
Shere Khuda nahi hai Ali Murtuza ke baad

Na hai kisi ke bete Hussaino Hasan se aur
Na Fatima si maa hai koi Fatima ke baad

Jaisi padhi Hussain ne teeron ke chaaon me
Aisi namaaz phir na hui karbala ke baad

Abbas tere naam ko main apne ishq se
Pehle wafa ke likhu ya likhu wafa ke baad

Shabbir kehke bhai bulate rahe jise
Hurr aur kya sawaal kare is ata ke baad

Darbare shaam me kaha Zainab ne sun yazeed
Darte nahi kisi se bhi hum to Khuda ke baad