Khanda Peshani Se Har Sadma Uthate Hain Hussain
Ishq Ke Aadab Duniya Ko Sikhate Hain Hussain
Jab Guzarti Hai Kisi Dushwar Manzil Se Hayaat
Dafatan Har Mubtila Ko Yaad Ate Hain Hussain
Mohsine Insaniyat Hai Nau Nihal-E-Mustafa
Zulm Ki Zulmat Ko Duniya Se Mitate Hain Hussain
Khak Main Mil Jayega Ek Aan Main Tera Guroor
Aye Girohe Asqiyah Tashreef Late Hain Hussain
Kyun Na Hogi Hum Gunahgaron Ki Bakshish Hashr Main
Sar Hateli Par Liye Tashreef Late Hain Hussain
Mauj-E-Kausar Jis Pe Qurban Us Muqadas Khoon Se
Dastane ishq ko rangee banate hain Hussain..