Riyaz e Sunniyat Ke Gul Fisha Qari Riyazuddin,
Waqar e Sunniyat Ke Tarjuma’n Qari Riyazuddin.

Bohot Jaldi Judayi Ko Gawarah Aap Ne Kar Ke,
Kiya Apna Safar Suye Jinaa’ Qari Riyazuddin.

Nahi Bhulegi Ye Duniya Kabhi Deewangi Teri,
Yaqeenan Tum The Mukhlis Naujawa’n Qari Riyazuddin.

Ameer e Sunni Dawat Aur Allama Qamar Khan Ke,
Dilo Mein Aap The Jalwah Numa Qari Riyazuddin.

Khuda Darjaat Mein Tere Kare Rif’at Ata Har Dam,
Nabi Ka Tha Tu Saccha Naat Khwan Qari Riyazuddin.

Adaye Dil Rubai Aap Ki Ab Yaad Aayegi,
Jahaan Bhi Ho, Raho Indara Ma’n Qari Riyazuddin.

Ilahi Sabr De Pas Maandgaan Aur Khandaan Ko Tu.
Karam Ki Bheek Paaye Be Gumaan Qari Riyazuddin.

Tasalli Bil Yaqeen Aaqa Ne Di Hogi Yahi Azmat,
Karam Mera Hai Tujh Par Saayebaan Qari Riyazuddin.