Ya Nabi Sab Karam Hai Tumhara
Ye Jo Waare Niyaare Huwe Hai
Ab Kami Ka Tasawwur Bhi Kaisa
Jab Se Mangte Tumhare Huwe Hai

Koi Muh Na Lagaata Tha Hum Ko
Paas Tak Na Bithaata Tha Hum Ko
Jab Se Thaama Hai Daaman Tumhara
Duniya Waale Humare Huwe Hai

Unke Darbaar Se Jab Bhi Mai ne
Panjatan Ke Waseele Se Maanga
Mujh Ko Khairaat Fauran Mili Hai
Khoob Mere Guzaare Huwe Hai

Door Hone Ko Ab Hai Ye Doori
Unki Chaukhat Pe Hogi Huzoori
Khwaab Me Mujh Ko Aaqa Ke Dar Se
Haazri Ke Ishaare Huwe Hai

Hashr Ke Roz Jab Mere Aaqa
Ummati Ki Shafa`at Karenge
Rab Kahega Unhe Maine Bakhsha
Jo Deewane Tumhare Huwe Hai

Chaahte Ho Agar Nek Naami
Aale Zahra Ki Kar Lo Ghulaami
Unke Sadqe Se Zaahid Niyaazi
Poor Suqoon Gham Ke Maare Huwe Hai