Imaane Ishqe Ahmede Mukhtaar Ke Baghair
Mumkin Nahi Ke Chat Rahe Deewaar Ke Baghair

Dono Jahaan Me Chashme Baseerat Se Dekhiye
Kuch Bhi Nazar Na Aayega Sarkaar Ke Baghair

Andaaza Isse Kijiye Unke Maqaam Ka
Kalma Na Poora Ho Saka Sarkaar Ke Baghair

Sadqa Rasoole Paak Ke Kirdaar Hi Ka Hai
Baatil Jo Sar Nigu Huwa Talwaar Ke Baghair

Ya Rab Qasam Hai Tujh Ko Tere Hi Jalaal Ki
Nikle Na Dum Huzoor Ke Deedaar Ke Baghair

Altaaf Zikre Haal Zabaan Se Na Kijiye
Zaahir Hai Sab Huzoor Par Izhaar Ke Baghair