Mujhe Mere Aaqa Bulaate Rahenge
Madine Ka Mangta Banaate Rahenge
Dikhaa Sabz Gumbad To Boli Yeh Aankhen
Ke Palkon Ke Moti Lutaate Rahenge
Jinhey Ishq e Ahmed Ki Daulat Mili Hai
Unhen Simt e Jannat Bulaate Rahenge
Mujhe Qabr Ki Ab Nahi Koi Wehshat
Huzoor Apna Jalwah Dikhaate Rahenge
Hai Ai’zaaz Chaukhat Pey Baitha Hoon Unki
Yeh Qaasim Hain Ne’mat Lutaate Rahenge
Huwa Tum Pey Ramzan Mey Naazil Yeh Qur’an
Sunain Gey Usey Aur Sunaate Rahenge
Baney Wird e Salley ‘Alaa Jis Ki ‘Aadat
Usey Apna Keh Kar Bulaate Rahenge
Hai Shakir Ko Aaqa Karam Par Bharosa
Yahaan Bhi Wahaan Bhi Bachaate Rahenge