Dil Ki Duniya Ko Sajaao Aaqa
Apni Ulfat Me Jilaao Aaqa
Hubbe Duniya Se Bachaana Mujh Ko
Mujh Ko Apna Hee Banaao Aaqa
Shauq e Deedar Me So-Un Jis Shab
Apna Deedar Karaao Aaqa
Fikr e Duniya Me Na Aansoo Nikle
Apni Ulfat Me Rulaao Aaqa
Jitney Mo’min Hain Pareshaan Shaaha
Sab Ki Bigdi Ko Banaao Aaqa
Aakhri Dum Bhi Adaa Ho Sunnat
Peer Ke Din Jo Qaza Ho Aaqa
Dil Tarapta Hai Huzoori Ko Huzoor
Sadqe Murshid Ke Bulaao Aaqa
Mujh Ko Phir Dushmano Ne Ghera Hai
Apne Daaman Me Chupaao Aaqa
Shakir e Razvi Hai ‘Aasi Shaaha
Muzda Bakhshish Ka Sunaao Aaqa