Riyaz e Khuld Ko Yaksar Sajaya Jaa Raha Hai,
Riyazuddin Ko Dulha Banaya Jaa Raha Hai,.

Sabhi Ahbab Ulfat Mein Kisi Ke Ro Rahe Hain,
Woh Khush Hain Unko Jannat Mein Bulaya Jaa Raha Hai.

Mili Pehchan Jis Mehboob Ki Naaton Se Unko,
Usi Mehboob Se Unko Milaya Jaa Raha Hai.

Qamar Aur Shakir e Noori Qazaye Rab Pe Raazi,
Riza Ka Sab Ko Paimana Pilaya Jaa Raha Hai.

Hai Jis Seene Mein Qur’an Ho Salaamat Ta Qayamat,
Hadis e Paak Ka Muzda Sunaya Jaa Raha Hai.

Alam Ulfat Ka Ahle Bait Ki Jis Ne Uthaya,
Sadaye Haif Wo Kaandhe Uthaya Jaa Raha Hai

Sunenge Ab Quran e Paak Unse Arsh Wale,
Muqam e Aala Me Unko Bulaya Jaa Raha Hai.

Hain Yaadein Rashid e Razvi Ke Dil Mein Unki Taaza,
Gham e Dil Apne Lazon Me Sunaya Jaa Raha Hai.

Al Haj Rashid Razvi Sahab- Muballigue Sunni Dawate Islami