Khayale Sabz Gumbad Aa Gaya Hai
Haraa Ummeed Ka Gulshan Hua Hai

Fazaon Ki Mehek Batla Rahi Hai
Mera Mehboob Pyara Aa Raha Hai

Kiya Hai Tukde Tukde Chand Jisne
Kahoon Kaise Woh Tukda Chand Ka Hai

Na Kyun Maange Dare Khairul Wara Se
Yahi Dar To Dare Rabbul ‘Ula Hai

Laqab Jis Ka Hai Har Aalam Ki Rehmat
Wahi To ‘Aaisiyon Ka Aasra Hai

Rukh Wa Zulfe Muhammad MashaAllah
Idhar Surkh Udhar Kaali Ghata Hai

Khayale Mustafa Hi Mein Hu Saaim
Karam Kitna Mere Sarkaar Ka Hai