Aqsa Mein Khitabat Ki Meraaj Mein Aaqa Ne
Nabiyon Ki Imaamat Ki Meraaj Mein Aaqa nNe
Azaaz Nahi Koi Is Mojize Se Badh Kar
Allah Ki Ziyarat Ki Meraaj Mein Aaqa Ne
Jo Panch Namaazein Hain Meraaj Ka Tohfa Hai
Aasaani e Ummat Ki Meraaj Mein Aaqa Ne
Asra Ki Gawahi Di Bu Bakr Hue Siddique
Han Rab Ki Ziyarat Ki Meraj Mein Aaqa Ne
Yun Guzre Falak De Paar Chashme Se Ho Nazrein Paar
Aur Lamhon Mein Raja’at Ki Meraaj Mein Aaqa Ne
Woh Qurb e Khuda Mein Bhi Bhoole Nahi Ummat Ko
Ki Baat Shafa’at Ki Meraaj Mein Aaqa Ne
Har Khaki Wa Noorie Par Nabiyon Pe Sharaf Unka
Do Jagg Mein Sayadat Ki Meraaj Mein Aaqa Ne
Meraaj Ki Jismaani Bedaar Nigaahon Se
Be Parda Ziyarat Ki Meraaj Mein Aaqa Ne
Kalaam: Hazrat Allama Nisaar Ali Ujagar