Dare Khwaja Pe Sawali Ko Khada Rehne Do
Sar Nidamat Se Jhuka Hai Tou Jhuka Rehne Do

Mujh Ko Mil Jayega Sadqa Mein Chala Jaonga 
Kasa-e-Dil Mera Qadmoon Mein Para Rehne Do 

Khud Hi Farmayenge Mujrim Pe Woh Rehmat Ki Nazar
Mujh Ko Khwaja Ki Adalat Mein Khara Rehne Do 

Chchod Ke Aap Ka Dar Mein Kahan Jaonga 
Iss Gada Ko Issi Saaye Mein Para Rehne Do 

Mujh ko Karna Na Juda Dar Se Kabhi Khwaja Ji 
Dil Jo Deewana Bana Hai Tou Bana Rehne Do 

Roz-e-Mehshar Ye Gunaahgaar Ke Kaam Ayega 
Warsi Rung Charhra Hai Tou Charhra Rehne Do

Arz Karta Hoon Mein Rozana Ye Khwaja Se Khalil 
Apni Rehmat Se Jahan Mera Saja Rehne Do