Ahle Bait E Paak Par Ye Jaan Bhi Qurban Hai
Unki Ulfat Hi Mere Imaan Ki Pehchaan Hai

Naujawaane Ahle Jannat Ka Wahi Sultan Hai
Karbala Mein Aaj Dekho Besaro Samaan Hai

Ye Hai Apne Rab Razi Inse Khush Rehmaan Hai
Mat Kaho Murda Inhe Qur’an Ka Aailaan

Mustafa O Murtaza O Fatima  Hasan O Husain
Panjatan Ke Dar Ka To Jebreel Bhi Darbaan Hai

Sabr Jo Tumne Kiya Hai Aur Koi Kya Kare
Sabr E Ahle Bait Par Khud Sabr Bhi Hairaan Hai

Hai Ali Akbar Bhi Qurban Aur Ali Asgar Nisaar
Qasim O Abbas Bhi Tere Liye Qurbaan Hai

Jo Chaman Phoola Phala Tha Shaad Tha Aabaad Tha
Nada haaye Kya Hua Saara Chaman Veeraan Hai

Aakhri Deedar Kar Lo Fatima Ke Laal Ka
Jaa Raha Hai Su E Jannat Kya Anokhi Shaan Hai

Sar Ko Sajde Mein Kata Kar Deen Ko Zinda Kya
Ummat E Aasi Pe Maula Aapka Ehsaan Hai

Shehr E Yaar E Karbala E Mazhar E Sheyr E Khuda
Main Fida Ho Jaau Tum Par Ye Mera Armaan Hai

Kaash Hum Hote Waha Aur Aap Pe Jaan Waarte
Jo Na Tum Par Ho Fida Wo Jaan Hi Kya Jaan Hai

Hai Nujum E Rehnuma Saare Sahaba Ahle Bait
Naau Hai Ahle Sunan Ki Raasta Aasaan Hai

Tu Nawasa Kis Ka Hai Nisbat Husaini Hai Teri
Sayyed E Khasta Teri Nusrat Wo Nana Jaan hai