Mere Aaqa Hai Karam Aala Wa Baala Tera
Saare Aalam Se Hai Darbaar Nirala Tera

Rehmate Haq Ne Gale Mujh Ko Lagaya Fauran
Jab Bhi Khaliq Ko Diya Maine Hawala Tera

Aye Mere Dard o Alam Ruk To Sahi Theher Zara
Hoga Taiba Ki Fazaon Mein Izaala Tera

Kufr Ke Laakh Andhere The Jaha Par Chaaye
Sab Pe Ghalib Hi Raha Shaha Ujaala Tera

Tujh Ko Ahmed Bhi Muhammad Bhi Kaha Hai Rab Ne
Hamd Karta Hai Teri Allah Ta’ala Tera

Thokare Laakh Zamaane Ki Lagen Saaim Ko
Gir Nahi Sakta Shahe Wala Sambhala Tera