Mere Aaqa Ka Husno Jamaal
SubhanALLAH SubhanALLAH
Nahi sohde koi misal
SubhanALLAH SubhanALLAH

Hogai Jispe Aaqa Ki Nazre Karam
Kaaba Bhi Chumta Hai Usi Ke Qadam
Mere Aaqa Ka Hai Wo Bilaal
SubhanALLAH SubhanALLAH

Mulqe Faras Ka Aatash Kada Bhuj Gaya
Aur Qaaba Bhi Tazeem Ko Jhuk Gaya
Aaya Jab Aamina Bee Ka Laal
SubhanALLAH SubhanALLAH

Ummey Mabud Ke Ghar Mustafa Jab Gaye
Sookhi Bakri Ke Thun Doodh Se Bhar Gaye
Kar Diya Aaqa Ne Malamaal
SubhanALLAH SubhanALLAH

Aay The Qatl Karne Umar Jis Ghadi
Chhut Ke Talwaar Qadmo Me Khud Gir padi
Deykha Jab Mustafa Ka Jamaal
SubhanALLAH SubhanALLAH

Dhoom Se Din Nabi Ka Manaya Karo
Najdiyo Ko Hamesha Jalaya Karo
Arey Masto Machao Dhamaal
SubhanALLAH SubhanALLAH

Unki Ulfat Ki Shamaye Jalaya Karo
Geet Unki Muhabbat Ke Gaya Karo
Roz-o-Shab Ho Yahi Apna Haal
SubhanALLAH SubhanALLAH

Leyke Makke Se Jabke Haleema Chali
Uontni Me Ajab Jaan Si Padh Gayi
Mere Aaqa Ka Hai Ye Kamaal
SubhanALLAH SubhanALLAH

Marz E Isiya Se Aaqa Shifa Chahiye
Hai Khabar Aapko Humko Kya Chahiye
Ya Nabi Aapki Bas Raza Chahiye
Aapke Dar Pe Aake Qaza Chahiye
Poora Kar Dijaye Mera Sawaal
SubhanALLAH SubhanALLAH

Bu Bakar Me Hai Sidq O Safa Dekhiye
Aur Umar Me Hai Adlo Wafa Dekhiye
Unki Usma Me Shaane Sakha Dekhiye
Babul ilm Aur Sheyre Khuda Dekhiye
Sab Me Hai Mustafa Ka Kamaal
SubhanALLAH SubhanALLAH

Noor E Awwal Hai Shamsudduha Aap Hai
Naiyyare Burje Badrudduja Aap Hai
Bu Bakar Bhi Na Samjhe Ke Kya Aap Hai
Ya Nabi Jo Hai Baad’Az Khuda Aap Hai 
Koi Laaye Kaha Se Misaal
SubhanALLAH SubhanALLAH

Qutb E Kokan Ke Dar Pe Gada Aaye Hai
Lene Khairaat Is Shab Yaha Aaye Hai
Apne Dilme Tamanna Sabhi Laaye Hai
Aaj Kar Denge Ye Malamaal
SubhanALLAH SubhanALLAH

Murshidi Shah Akhtar Ki Khairaat Hai
Ishq Ki Tere Daaman Me Saugaat Hai
Rashide Razvi Kya Teri Auqaat Hai
Jo Bhi Kuch Hai Faqat Naat Ki Baat Hai
Naate Sarvar Ka Hai Ye Kamaal
SubhanALLAH SubhanALLAH