Hum Bazm Sada Unke Sajaate Hi Rahenge
Sarkaar Ka Meelad Manate Hi Rahenge

Jo Dono Jahaanon Mein Sahara Hai Humara
Geet Unki Inaayat Ke Gaate Hi Rahenge

Haq Wale Sada Sayyade Shabbir Ke Gham Mein
Ro Ro Ke Zamaane Ko Rulate Hi Rahenge

Aise Hi Duroodon Ki Salaamon Ki Fiza Mein
Ushshaq Unhe Ghar Mein Bulate Hi Rahenge

Jo Naate Nabi Sun Kar Tadap Jaate Hai Saaim
In’aam Wo Sarkaar Se Paate Hi Rahenge