Mujhe bhi shahid e asra bana diya hota,
Nabi ki gard kafepa bana diya hota.

Nabi ke shehr ko udte huwe pohonch jata
Ke tune mujh ko parinda bana diya hota

Bana ke mujh ko kabootar gufa me rakh deta
Nahi to makdi ka jaala bana diya hota

Sahaba girne na dete zameen par mujh ko
Wazu ke pani ka katra bana diya hota

Hasan Hussain mere saath khelte hote
Ke mujh ko unka khilona bana diya hota

Udhed kar meri chamdi aye khalikh e Akbar
Nabi ke paaon ka joota bana diya hota

Jalan se dekhte heere jawaheraat muhje
Nabi ki galiyon ka kachra bana diya hota.