Darbar-e-Risalat ki kaisi woh ghadi hogi
Hassaan ke honto pe jab Naat e Nabi hogi

Bu Bakr o Umar honge Usman o Ali honge
Hasnain ke Nana ki kya bazm saji hogi

Aaqa hai qamar lekin ashaab sitaare hain
Us Chand ki har jaanib taaron ki ladi hogi

Jaayenge Madine hum le jaayega jab Allah
Dil sajda kuna hoga aankhon me jhadi hogi

Jab wadiye Taa’if me rangeen Naalain
Arsho pe farishton ke dil par bhi bani hogi

Jab Uhad o Badr wale Aaqa pe huwe qurbaan
Khush khabri phir unko jannat ki mili hogi