Koi Guftugu Ho Lab Par Tera Naam Aa Gaya Hai
Tera Zikr Karte Karte Ye Maqaam Aa Gaya Hai

Dare Mustafa Ka Manzar Meri Chasme Tar Ke Andar
Kabhi Subha Aa Gaya Hai Kabhi Shaam Aa Gaya Hai

Do Jahaan Ki Ne’maton Se Tere Dar Se Jo Bhi Maanga
Mere Daamane Talab Mein Woh Tamaam Aa Gaya Hai

Ye Talab Thi Ambiya Ki Rukhe Mustafa Ko Dekhe
Ye Namaz Ka Waseela Unhe Kaam Aa Gaya Hai

Jise Pee Ke Shaykh Saadi Balaghal Ula Pukaare
Mere Daste Na Tawaan Mein Wohi Jaam Aa Gaya Hai

Woh Adeeb Jis Ne Mehshar Mein Bapa Kiya Hai Mehshar
Woh Kahenge Aao Dekho Ye Ghulaam Aa Gaya Hai