Kya Ajab Noor Ka Behta Hai Jo Darya Dil Me
Dil Hai Taiba Mein Mera Aur Hai Taiba Dil Me

Gham Ki Chaadar Jo Kabhi Odh Ke So Jaata Hoon
Jaagti Rehti Hai Aaqa Ki Tamanna Dil Me

Dil Isi Waaste Reh Reh Ke Dhadakta Hai Mera
Kyun Ke Rehte Hain Hamesha Mere Aaqa Dil Me

Us Ghari Meri Madad Karte Hain Mere Aaqa
Jab Bhi Ho Jaati Hai Uljhan Koi Paida Dil Me

Ek Ek Cheez Mujhe Sabz Nazar Aati Hai
Bas Gaya Jab Se Sakhi Gumbade Khazra Dil Me