Laut Kar Mai Na Jaaunga Khaali

Tumhaare Aastaane Se Zamaana Kya Nahin Paata
Koi Bhi Dar Se Khaali Maangne Waala Nahin Jaata

Bhar Do Jholi Meri Sarkaare Madina
Bhar Do Jholi Meri Taajdaare Madina 

Laut Kar Mai Na Jaaunga Khaali

Tum Zamaane Ke Mukhtaar Ho Ya Nabi
Bekason Ke Madadgaar Ho Ya Nabi
Sab Ki Sunte Ho Apne Ho Ya Ghair Ho
Tum Garibon Ke Gham Khwaar Ho Ya Nabi

Bhar Do Jholi Meri Sarkaare Madina
Bhar Do Jholi Meri Taajdaare Madina 

Laut kar mai na jaaunga khaali

Hum hain ranjo musibat ke maare huwe
Sakht Mushkil Mein Hain Gham Se Haare Huwe
Ya Nabi Kuch Khudara Hume Bheek Do
Dar Pe Aaye Hain Jholi Pasaare Huwe

Bhar Do Jholi Meri Sarkaare Madina
Bhar Do Jholi Meri Taajdaare Madina 

Laut Kar Mai Na Jaaunga Khaali

Hai Mukhaalif Zamaana Kidhar Jaayen Hum
Haalate Bekasi Kis Ko Dikhlaaye Hum
Hum Tumhaare Bhikaari Hain Ya Mustafa
Kis Ke Aage Bhalaa Haath Phailaaye Hum

Bhar Do Jholi Meri Sarkaare Madina
Bhar Do Jholi Meri Taajdaare Madina 

Laut Kar Mai Na Jaaunga Khaali

Haq Se Paayi Wo Shaane Kareemi
Marhaba Dono Aalam Ke Waali
Uski Qismat Ka Chamka Sitaara
Jis Pe Nazre Karam Tum Ne Daali

Zindagi Bakhsh Ki Bandagi Ko
Aabroo Deene Haq Ki Bachaali
Wo Muhammad Ka Pyara Nawaasa
Jisne Sajde Mein Gardan Kataali

Jo Ibne Murtaza Ne Kiya Kaam Khoob Hai
Qurbaanie Hussain Ka Anjaam Khoob Hai
Qurbaan Ho Ke Fatima Zahra Ke Chain Ne
Deene Khuda Ki Shaan Badhaayi Hussain Ne
Bakhshi Hai Jisne Mazhabe Islam Ko Hayaat
Jitni Azeem Hazrate Shabbir Ki Hai Zaat
Maidane Karbala Mein Shahe Khush Khisaal Ne
Sajde Mein Sar Kataa Ke Mohammad Ke Laal Ne

Zindagi Bakhsh Di Bandagi Ko
Aabroo Deene Haq Ki Bachaali
Wo Muhammad Ka Pyara Nawaasa
Jisne Sajde Mein Gardan Kataali

Hashr Mein Unko Dekhenge Jis Dam
Ummati Ye Kahenge Khushi Se
Aa Rahe Hain Wo Dekho Mohammad
Jinke Kaandhe Pe Kambli Hai Kaali

Bhar Do Jholi Meri Sarkaare Madina
Bhar Do Jholi Meri Taajdaare Madina 

Laut Kar Mai Na Jaaunga Khaali

Mehshar Ke Roz Peshe Khuda Honge Jis Ghadi
Hogi Gunahgaaron Mein Kis Darjaa Bekali
Aate Huwe Nabi Ko Jo Dekhenge Ummati
Ek Doosre Se Sab Ye Kahenge Khushi Khushi
Aa Rahe Hain Wo Dekho Mohammad
Jinke Kaandhe Pe Kamli Hai Kaali

Sare Mehshar Gunahgaaron Se Purzish Jis Ghadi Hogi
Yaqeenan Har Bashar Ko Apni Bakhshish Ki Padi Hogi
Sabhi Ko Aas Us Din Kamli Waale Se Lagi Hogi
Ke Aise Mein Mohammad Ki Sawaari Aa Rahi Hogi
Pukarega Zamaana Us Ghadi Dukh Dard Ke Maaron
Na Ghabraao Gunahgaaron Na Ghabraao Gunahgaaron

Aa Rahe Hain Wo Dekho Mohammad
Jinke Kaandhe Pe Kambli Hai Kaali

Hashr Mein Unko Dekhenge Jis Dam
Ummati Ye Kahenge Khushi Se
Aa Rahe Hain Wo Dekho Mohammad
Jinke Kaandhe Pe Kambli Hai Kaali

Bhar Do Jholi Meri Sarkaare Madina
Bhar Do Jholi Meri Taajdaare Madina

Laut Kar Mai Na Jaaunga Khaali

Aashiqe Mustafa Ki Azaan Mein 

Allah Allah Kitna Asar Tha

Sachaa Ye Waaqiya Hai Azaane Bilal Ka
Ek Din Rasoole Paak Se Logon Ne Yoon Kaha
Ya Mustafa Azaan Galat Dete Hain Bilaal
Kahiye Huzoor Aapka Is Mein Hai Kya Khayaal
Farmaaya Mustafa Ne Ye Sach Hai To Dekhiye
Waqte Sahar Ki Aaj Azaan Aur Koi De
Hazrat Bilaal Ne Jo Azaane Sahar Na Di
Qudrat Khuda Ki Dekho Na Mutlaq Sahar Huwi
Aaye Nabi Ke Paas Kuchh Ashaabe Baasafa
Ki Arz Mustafa Se Ke Aye Shaheambiya
Hai Kya Sabab Sahar Na Hui Aaj Mustafa
Jibreel Laaye Aise Mein Paighaame Kibriya
Pehle To Mustafa Ko Adab Se Kiya Salaam
Baad As Salaam Unko Khuda Ka Diya Payaam
Yoon Jibraeel Ne Kahaa Khairul Anaam Se
Allah Ko Hai Pyaar Tumhaare Ghulaam Se
Farmaa Raha Hai Aap Se Ye Rabbe Zuljalaal
Hogi Na Subha Denge Na Jab Tak Azaan Bilaal

Aashiqe mustafa Ki Azaan Mein

Allah Allah Kitna Asar Tha
Arsh Waale Bhi Sunte The Jisko
Kya Azaan Thi Azaane bilaali

Kaash Purnam Dayaare Nabi Mein
Jeete Ji Ho Bulaawa Kisi Din
Haale Gham Mustafa Ko Sunaaoon
Thaam Kar Unke Rauze Ki Jaali

Bhar Do Jholi Meri Sarkaare Madina
Bhar Do Jholi Meri Taajdaare Madina 

Laut Kar Mai Na Jaaunga Khaali