Bhari Hai Jholiyan Tune Sada Faqeeron Ki
Hume Bhi Deed Ki Khairaat Ya Rasoolallah

Khudaayi Us Muqaddar Pe Rashk Karti Hai
Jise Mila Hai Tera Saath Ya Rasoolallah

Nazar Ke Samne Ho Jalwe Sabz Gumbad Ke
Kabhi To Aaye Woh Lamhaat Ya Rasoolallah

Karam Nawaaz Teri Zaat Dono Aalam Mein
Idhar Bhi Nazre Inayat Ho Ya Rasoolallah

Tamam Umr Sajdo Sabhi Woh Afzal Hai
Tere Madine Ki Ik Raat Ya Rasoolallah