Sair-E-Gulshan Kaun Dekhe Dasht-E-Taiba Chor Kar
Sooe Jannat Kaun Jaaye Dar Tumhara Chor Kar
Sooe Jannat Kaun Jaaye Dar Tumhara Chor Kar
Sar Guzasht-E-Gham Kahoon Kise Tere Hote Huwe
Kis Ke Dar Pe Jaaoon Tera Aastaana Chor Kar
Mar Hi Jaaoon Mein Agar Is Dar Se Jaaoon Do Qadam
Kya Bache Bimaar-E-Gham Qurb-E-Maseehaa Chor Kar
Bakhshwana Mujh Se Aasee Ka Rawaa Hoga Kise
Kis Ke Daaman Mein Chupoon Daaman Tumhara Chor Kar
Hashr Mein Ik Ik Munh Jo Takte Phirte Hain ‘Adu
Aafaton Mein Phans Gaye Inka Sahara Chor Kar
Mar Ke Jeete Hain Jo Unke Dar Pe Jaate Hain HASAN
Jee Ke Marte Hain Jo Aate Hain Madina Chor Kar