Qalb ko uski rooyat ki hai aarzoo
Jis ka jalwa hai aalam mein har chaar soo
Balki khud nafs mein hai woh subhanahoo
Arsh par hai magar arsh ko justujoo

Allahu Allahu Allahu Allahu……

Arsh wa farsh wa zameeno jihat aye Khuda
Jis taraf dekhta hoon hai jalwa tera
Zarre zarre ki aankhon mein tu hi ziya
Qatre qatre ki tu hi to hai aabroo

Allahu Allahu Allahu Allahu……

Saare aalam ko hai teri hi justujoo
Jinno ins wa malak ko teri aarzoo
Yaad mein teri har ek hai koo ba-koo
Ban mein washi lagaate hain zarbaate hoo

Allahu Allahu Allahu Allahu……

Nagma sanjaane gulshan mein charcha tera
Chahchahe zikre Haq ke hain subho masaa
Apni apni chahak apni apni sadaa
Sab ka matlab hai waahid ki waahid hai too

Allahu Allahu Allahu Allahu……

Taayraane jinaa(n) mein teri guftagoo
Geet tere hi gaate hai woh khush guloo
Koi kehta hai Haq koi kehta hai hoo
Aur sab kehte hai la-sharee-ka-la hoo

Allahu Allahu Allahu Allahu……

Khwaabe Noorie mein aaye(n) jo noore Khuda
Buqa e noor ho apna zulmat kada
Jagmagaa utthe dil chehra ho pur ziya
Nooriyon ki tarah shugal ho zikre ho

Allahu Allahu Allahu Allahu……