Tumhara Husn Aisa Hai Ki Mehboobe Khuda Tum Ho
Mahe Kaamil Kare Kasbe Ziya Wo Mahlika Tum Ho

Jahan Taarik Tha Saara Andhera Hi Andhera Tha
Tum Aaye Zulmate tumse Miti Badrudduja Tum Ho

Shabe Me’raj Se Aye Sayyide kul Ho Gaya Zaahir
Rasool Hai Muqtadi Saare Imam Ul Ambiya Tum Ho

Tumhare Baad Paida Ho Nabi Koi Nahi Mumkin
Nubuwwat Khatm Hai Tum Par Ki Khatmul Ambiya Tum Ho

Giraftaare Balaa Haazir Hue Hai Toote Dil Le Kar
Ki Har Bekal Ki Kal Toote Dilon Ka Aasra Tum Ho

Khabar Lije Khudara Mere Maula Mujh Se Bekas Ki
Ki Har Bekas Ke Kas Bebas Ke Bas Roohi Fida Tum Ho

Chamak Jaaye Dile Noorie Tumhare Paak Jalwo Se
Mita Do Zulmate Dil Ki Mere Noor Ul Huda Tum Ho