Jagaa Do Meri Qismat Bhi Khudara Ya Rasoolallah
Dikha do Mujh Ko Rauze Ka Nazaara Ya Rasoolallah

Meri Duniya Sanwar Jaaye Meri ‘Uqba Sudhar Jaaye
Agar Ho Jaye Rehmat Ka Ishaara Ya Rasoolallah

Tumahara Naame Naami Hai Sukoone Qalb Ka Baa-is
Nazar Ka Noor Hai Rauza Tumhara Ya Rasoolallah

Zamaana Choot Jaaye Rooth Jaaye Khalq To Kya Gham
Na Choote Haath Se Daaman Tumhara Ya Rasoolallah

Jabeene Showq Mas Hoti Hai Jab Rouza Ki Jaali Se
Chamak Jata Hai Qismat Ka Sitaara Ya Rasoolallah

Tamanaa e Sikandar Hai Dame Aakhir Shahe Bat-ha
Rahe Wirde Zubaan Kalma Tumhara Ya Rasoolallah