Raat Jo Guzri Nabi Ke Zikr Mein
Din Se Behtar Woh Hamari Raat Hai.

Kyun Pareshan Hoon Mein Uqba Ke Liye
Shafaaye Rauze Jaza Woh Zaat Hai.

Kyun Main Maangu Jab Mere Kashkol Mein
Naqshe Naale Paak Ki Khairaat Hai.

Waaliye Kauno Makaan Ke Zikr Se
Wajd Mein Yeh Saari Kainaat Hai.

Naushaye Bazme Jinaa Ke Waaste
Ambiya Ki Saf Ba Saf Baraat Hai.

Yoon To Gumbad Hai Jahaan Mein Har Jagah
Gumbade Khazra Teri Kya Baat Hai.

Kis Tarha Likhoon Main Midhat Aap Ki
Jab Madha Khawan Khud Khuda Ki Zaat Hai.

Kis Qadar Rehaan Khush Qismat Hai Tu
Teri Bakhshish Ka Waseela Naat Hai.