Aankhon Mein Bas Gaya Hai Madina Huzoor Ka
Be Kas Ka Aasra Hai Madina Huzoor Ka

Phir Ja Rahe Hai Ahle Mohabbat Ke Qaafle
Phir Yaad Aa Raha Hai Madina Huzoor Ka

Nabiyon Mein Jaise Afzal-O-A’ala Hai Mustafa
Shehron Mein Baadshah Hai Madina Huzoor Ka

Jab Se Qadam Pade Hai Risalat Ma’aab Ke
Jannat Se Badh Gaya Hai Madina Huzoor Ka

Har Zarra Zarra Apni Jagah Mahtaab Hai
Kya Jagmaga Raha Hai Madina Huzoor Ka

Qudsi Bhi Chumte Hai Adab Se Yahaan Ki Khaak
Qismat Mein Jhomta Hai Madina Huzoor Ka

Ho Naaz Kyun Na Is Ko Niyazi Naseeb Par
Jis Ko Bhi Mil Gaya Hai Madina Huzoor Ka