Nabi Sarware har Rasoolo wali hai
Nabi raazdaare Ma-Ãllahi-lee hai

Woh naami ki naame Khuda naam tera
Raufo Raheemo Aleemo Ali hai

Hai betaab jis ke liye arshe aa’zam
Woh is reh-rawe laa maqaa(n) ki gali hai

Nakeerain karte hain taa’zeem meri
Fida hoke tujh par ye izzat mili hai

Talaatum hai kashti pe toofaane gham ka
Yeh kaisi hawaaye mukhaalif chali hai

Na kyunkar kahoon Ya Habeebi agithni
Isi naam se har museebat tali hai

Saba hai mujhe sar-sare dashte Taiba
Isi se kali mere dil ki khili hai

Tere charon hardum hai yak jaan yak dil
Abu bakr Faarooq Usmaa(n) Ali hai

Khuda ne kiya tujh ko aagaah sab se
Do aalam mein jo kuch khafi wa jali hai

Karoon arz kya tujh se aye aalimussirr
Ki tujh par meri haalate dil khuli hai

Tamanna hai farmaaiye roze mehshar
Ye teri rihaayi ki chitthi mili hai

Jo maqsad ziyarat ka bar aaye phir to
Na kuch qasd keeje ye qasde dili hai

Tere dar ka darbaa(n) hai Jibreele aa’zam
Tera madha khwaa(n) har Nabi wa wali hai

Shafa’at kare hashr me jo Raza ki
Siwa tere kisko ye qudrat mili hai