Apni Nisbat Se Mein Kuch Nahi Hu
Is Karam Ki Badaulat Badha Hu
Unke Tukdon Se Ezaz Pa Kar
Tajdaron Ki Saf Mein Khada Hu

Maine Mana Mein Sab Se Buraa Hoon

Is Karam Ko Magar Kiya Kaho Ge
Jo Buroon Ko Samate Huye Hain
Unke Qadmoon Mein Bhi Pada Hoon

Dekhne Walo Mujhko Na Dekho
Dekhna Hai Agar To Yeh Dekho
Kiske Daman Se Wabasta Hoon Mein
Kon Wali Hai Kiska Gada Hoon

Dekhta Hoon Jab Unki Aataein
Bhool Jata Hoon Apni Khataein
Sar Nidamat Se Uthta Nahin Hai
Jab Mein Apni Taraf Dekhta Hoon

Ya Nabi Apne Gham Ki Kahani
Keh Sakoonga Na Apni Zubani
Bin Kahe Hi Meri Laj Rakhlo
Mein Sisikti Hui Iltja Hoon

Shafa e Muzniba Ke Karam Ne
Laj Rakhli Mere Khothe Pan Ki
Nisbatoon Ka Karam Hai Yeh Khalid
Khotha Hote Huye Bhi Khara Hoon