Rehmat ka dar khula hae Darbar e Mustafa me
bakhshish ka silsila hai Darbar e Mustafa me

khamoshyo ko meri sunte haen Sarwar e deen
bin mange mil raha hai Darbar e Mustafa me

Ab dil ki dhadkane haen Sarkar ke hawale
awaz kab rawa hai Darbar e Mustafa me

Subh o masa farishte aate hain hazri ko
noorani qafla hae Darbar e Mustafa me

Ek bheeni bheeni khushbu saanso me bas gayi hae
dil bhi mehak raha hai Darbar e Mustafa me

Main arz kar raha hu sarkar sun rahe hain
kaisaa haseen sama hae Darbar e Mustafa me

Salle ala Nabiyyina salle ala Muhammadin
sab ki yahi sada hai Darbar e Mustafa me

kaisi azeem ne’mat paayi hai tu ne Rizwan
tu naat padh raha hai Darbar e Mustafa me