Hai kalaam e Ilahi mein Shamsud’duha Tere chehraye Noore Faza ki qasam
Qasame Shabe taar mein raaz ye tha
ke Habeeb ki zulfe dota ki qasam

Tere khulq ko Haq ne azeem kaha
Teri khilq ko Haq ne jameel kiya
Koi tujh sa hua hai na hoga Shaha
Tere Khaliqe husn o ada ki qasam

Woh Khuda ne hai martaba tujh ko diya na kisi ko mile na kisi ko mila
Ke Kalaam e majeed ne khayi Shaha
Tere shehro kalamo baqa ki qasam

Tera masnade naaz hai Arshe baree(n) Tera mehrame raaz hai rooh e ameen
Tu hi Sarware har do jahaa(n) hai shaha Tera misl nahi(n) hai Khuda ki qasam

Yehi ‘arz hai khaliq e Ard o sama
Woh Rasool hain tere, main banda tera
Mujhe unke jawaar mein de woh jagah
ke hai Khuld ko jiski safa ki qasam

Tu hi bando pe karta hai lutf o ‘Ata
hai tujhi pe bharosa hai tujhi se dua
Mujhe Jalwaa e Paake Rasool dikha Tujhe apne hi izz o ‘Ala ki qasam

Mere garchae gunah hai had se siwa magar unse ummed hai Tujh se raza
Tu Raheem hai Unka Karam hai gawah woh Kareem hain Teri ‘Ata ki qasam

Yehi kehti hai bulbule baagh e jinaa(n)
ke Raza ki tarha koi sehar bayaan
Nahi(n) hind me wasife shahe huda, mujhe shokhiye tabae Raza ki qasam