Ye Woh Sach Hai Ke Jise Ek Jahaan Maan Gaya
Dar Pe Aaya Jo Gada Ban Ke Woh Sultan Gaya
Uske Andaaze Nawaazish Pe Main Qurbaan Gaya
Ne’matein Baat-ta Jis Samt Woh Zeeshan Gaya
Saath Hi Munshi e Rehmat Ka Kalamdaan Gaya

Tujh Se Jo Pher Ke Muh Jaanibe Qur’an Gaya
Surkhuru Hoke Na Duniya Se Woh Insaan Gaya
Kitne Gustaakh Bane Kitnon Ka Imaan Gaya
Le Khabar Jald Ke Ghairon Ki Taraf Dhyan Gaya
Mere Maula Mere Aaqa Tere Qurbaan Gaya

Mehwe Nazaara Sare Gumbade Khizra Hi Rahi
Door Se Sajda Guzaari Dare Waala Hi Rahi
Roo Ba Roo Paake Bhi Mehroome Tamasha Hi Rahi
Aaah ! Woh Aankh Ke Nakaame Tamanna Hi Rahi
Haaye Woh Dil Jo Tere Dar Se Pur Armaan Gaya

Teri Chahat Ka Amal Zeest Ka Manshoor Raha
Teri Dehleez Ka Phera Mera Dastoor Raha
Ye Alag Baat Ke Tu Aankh Se Mastoor Raha
Dil Hai Woh Dil Jo Teri Yaad Se Maa’moor Raha
Sar Hai Woh Sar Jo Tere Qadmon Pe Qurbaan Gaya

Dosti Se Koi Matlab Na Mujhe Bair Se Kaam
Unke Ke Sadqe Mein Kisi Se Na Padaa Khair Se Kaam
Unka Shaida Hoon Mujhe Kya Haram o Dair Se Kaam
Unhe Jaana Unhe Maana Na Rakha Ghair Se Kaam
Lillahil Hamd Main Duniya Se Musalmaan Gaya

Aehteraam e Nabvi Daakhil e Aadat Na Sahi
Sheer e Maadar Mein Aseelon Ki Nijaabat Na Sahi
Ghar Mein Aadaab e Risaalat Ki Riwaayat Na Sahi
Aur Tum Pe Mere Maula Ki Inayaat Na Sahi
Najdiyon Kalma Padhane Ka bhi Ahsaan Gaya

Baam e Maqsad Pe Tamannao Ke Zeene Pohche
Labe Saahil Pe Naseer Unke Safeene Pohche
Jinko Khidmat Mein Bulaya Tha Nabi ne Pohche
Jaan o Dil Hosh o Khirad Sab To Madine Pohche
Tum Nahi Chalte Raza Saara To Saaman Gaya