Hain Teri Inaayat Ka Ghera Mere Ghar Mein
Sab Tera Hai Kuch Bhi Nahi Mera Mere Ghar Mein

Andaaz Mere Ghar Ke Bhi Kuch Aur Hi Honge
Jis Roz Qadam Aayega Tera Mere Ghar Mein

Muddat Se Mere Dil Mein Hain Armane Ziyaarat
Ho Jaaye Karam Ka Koi Phera Mere Ghar Mein

Darwaaze Pe Likha Hai Tera Isme Giraami
Aataa Nahi Bhoole Se Andhera Mere Ghar Mein

Jaagaa Teri Nisbat Se Shabe Ghum Ka Muqaddar
Aaya Tere Aane Se Sawera Mere Ghar Mein

Khalid Ko Tere Naam Se Tauqeer Mili Hain
Jo Kuch Hain Ye Ehsan Hai Tera Mere Ghar Mein