Unki jaame jam aankhen Sheesha hai badan mera
Unki band mutthii me Saara baakpan mera 

Arze gang meri hai Khittaye jaman mera
Mai gulame Khwaja hu Hind hai watan mera 

Aashiqe Nabi hu mai Warise Ali hu mai
Maila ho na payega Hashr tak kafan mera 

Naate Mustafa kehna Naate Mustafa sunna
Mujhko bakshwayega Haa yahi chalan mera 

Hashr me nida hogi Yeh gulam kiska hai
Mujh ko dekhe aur kehde Ya Shahe zaman mera 

Arsh jhoom jhoom utha Qudsiyo ko wajd aaya
Naate Mustafa me jab Khul gaya dahan mera 

Aap chahe ho jaaye Saari mushkile aasan
Aap chahe mit jaaye Ranj aur mihan mera 

Maine saare kaam apne Mustafa ko saupe hai
Kya bigaad payega Daure pur fitan mera 

Waqfe zikre Ahmed ho Ta abad qalam ya Rab
Hashr tak rahe jaari Chashma e sukhan mera 

Azmate mere aage Sajda rez ho jaye
Unke dar se choo jaye Kash pairahan mera 

Hashr me taraazu par Tole jayenge aamal
Kaam aahi jayega Naat ka ye fan mera 

Arsh se pare jaakar Mustafa ne batlaya
Ye zamee bhi meri hai Aur hai gagan mera 

Gulshane Madina se Nazmi mujh ko nisbat hai
Ek ek Kali meri Gul mera chaman mera