Qafile Ne Suye Taiba Kamar Aaraayi Ki
Mushkil Aasaan Ilahi Meri Tanhai Ki
Laaj Rakhli Ta-Maye Afw Ke Saudaayi Ki
Aye Main Qurbaa(N) Mere Aaqa Badi Aaqaai Ki
Farsh Ta Arsh Sab Aaina Zamaair Haazir
Bas Qasam Khaaiye Ummi Teri Daanaai Ki
Shash Jihat Samte Muqaabil Shabo Roz Ek Hi Haal
Dhoom Wannajm Mein Hai Aap Ki Beenaai Ki
Paansau (500) Saal Ki Raah Aisi Hi Jaise Do Gaam
Aas Hum Ko Bhi Lagi Hai Teri Shinwaai Ki
Chand Ishaare Ka Hila Huqm Ka Baandha Sooraj
Wah Kya Baat Shaha Teri Tuwaanaai Ki
Tang Thehri Hai Raza Jis Ke Liye Wus’ate Arsh
Bas Jahag Dil Mein Hai Us Jalwaye Harjaai Ki