Gunaahon ki aadat chura mere Maula,
Mujhe nek insaan bana mere Maula
Mujhe nek insaan bana mere Maula
Jo tujhko, jo tere Nabi ko pasand hai,
Mujhe aisa banda bana mere Maula
Mujhe aisa banda bana mere Maula
Tu masjood mera, mein saajid hoon tera,
Tu malik mein banda tera mere Maula
Tu malik mein banda tera mere Maula
Tu lega agar adl se kaam apne,
Mein hoon mustahiq naar ka mere Maula
Mein hoon mustahiq naar ka mere Maula
Jo rehmat teri shaamil-e-haal ho to
Thikana hai jannat mera mere Maula
Thikana hai jannat mera mere Maula
Tujhe to khabar hai main kitna bura hoon,
Tu aibon ko mere chupa mere Maula
Tu aibon ko mere chupa mere Maula
Meri ta-qayamat jo nasle ho Ya Rab
Hon sab Aashiq e Mustafa mere Maula
Hon sab Aashiq e Mustafa mere Maula
Na mohtaaj kar tu, jahaan mein kisi ka,
Mujhe muflisi se bacha mere Maula
Mujhe muflisi se bacha mere Maula
Hain Kaabe pe nazrein Ubaid-e-Raza ki,
Ho maqbool har ek dua mere Maula
Ho maqbool har ek dua mere Maula