Madine Ke Aaqa Do Aalam Ke Maula
Tere Paas Aaye Ye Jee Chahta Hai

Jahaan Dono Aalam Hai Mehwe Tamanna
Waha Sar Jhukaaye Ye Jee Chahta Hai

Dilon Se Jo Nikle Dayare Nabi Me
Sune Woh Sadaye Ye Jee Chahta Hai

Aaqa Ki Baate Aaqa Ki Seerat
Sune Aur Sunaaye Ye Jee Chahta Hai

Dare Paak Ke Saamne Dil Ko Thaame
Kare Hum Duaye Ye Jee Chahta Hai

Pahunch Jaaye Behzaad Jab Hum Madine
Wahi Maut Aaye Ye Jee Chahta Hai