Tera Kis Qadar Karam Hai Teri Kis Qadar Ata Hai
Teri Naat Ka Tarana Mere Lab Pe Aa Gaya Hai

Hai Bahare Gulistaan Mein Tere Dam Qadam Ke Sadqe
Teri Rehmaton Ke Sadqe Ye Jahaan Pal Raha Hai

Tere Gesuon Ki Khusboo Hai Rachi Hui Fiza Mein
Tere Rukh Ki Taabishon Se Ye Jahaa(n) Saja Hua Hai

Tere Dar Pe Hai Gadaon Ki Lagi Hui Qataare
Hamaa Waqt Mere Aaqa Tera Paak Dar Khula Hai

Yahi Bandagi Hai Meri Yahi Meri Zindagi Hai
Tere Aastaan Ki Jaanib Mera Sar Jhuka Jhuka Hai

Tere Dar Se Mil Rahi Hai Sabhi Ne’mate Khuda Ki
Tu Khuda Ka Dilruba Hai Tera Dar Dare Khuda Hai

Kahaan Ye Faqeer Saaim Kahaan Naat Teri Aaqa
Ye Haqeer o Benawa Hai Tu Habeebe Kibriya Hai