Jo Hoga Tumhara Karam Gaus e Aazam
To Mit Jayenge Saare Gham Gaus e Aazam
Khuda Ne Badhaya Hai Rutba Tumhara
Koi Kya Kare Isko Kam Gaus e Aazam
Jo Daman Ko Tere Pakadle Wali Ho
Wilayat Hai Tera Karam Gaus e Aazam
Shari’at Tareeqat Haqeeqat Wilayat
Teri Zaat Mein Sab Hai Zam Gaus e Aazam
Ye Chishti Rifayi Ye Rizvi Ashrafi
Sabhi Par Hai Tera Karam Gaus e Aazam
Sabhi Qadri Jiske Saaye Mein Honge
Wo Hoga Tumhara Alam Gaus e Aazam
Jo Qismat Buri Ho Meri Achchi Karde
Tere Haath Mein Hai Qalam Gaus e Aazam
Hamari Bhi Rozi Ata Kardo Murshid
Tumhare Bhikari Hai Hum Gaus e Aazam
Gunaho Ke Daldal Se Ab To Nikalo
Tumhe Hai Khuda Ki Qasam Gaus e Aazam
Humein Aap Karlo Gulamo Mein Shamil
Yahi Arz Hai Dam Badam Gaus e Aazam
Dikha Do Madina, Dikha Do Madina
Main Dekhu Nabi Ka Haram Gaus e Aazam
Main Baghdad Jaau’n Waha Se Madina,
Madine Me Nikle Ye Dam Gaus e Aazam
Sana-Khwan Banaya Madina Dikhaya
Kaha’n Iske Qaabil The Hum Gaus e Aazam
Ha Dar pe Bulaya Madina Dikhaya
Kahan Is Ke Qabil The Hum Gaus e Azam
Jo Kaaba Dikhaya Tu Andar Bulaya
Kahan Is Ke Qabil The Hum Gaus e Azam
Ye Najdi Wahabi Sitam Dhaa Rahe Hain
Unhe Kijiye Kal’adam Gaus e Aazam
Mujhe Mil Gaya Maslak e Aala-Hazrat
Tumhara Hi Hai Ye Karam Gaus e Aazam
Raza Se Mili Mujh Ko Nisbat Tumhari
Mile Tumse Shah e Umam Gaus e Aazam
Mujhe Peer Akhtar Raza Jo Mile Hain
Tera Hi To Hai Ye Karam Gaus e Aazam
Hume Meer Shakir Shaha Tumne Bakhsha
Tera Shukr Karte Hain Hum Gaus e Aazam
Yahi Ilteja Hai Dame Naz’aa Aakar
Karo Aap Sayyed pe dam Gaus e Aazam
By – Al Haj Sayyed Mohammad Qadri Sahab Qibla