Sayyidi Murshidi Ya Nabi Ya Nabi
Ya Nabi Ya Nabi Sayyidi Murshidi

Kamli Wale Nabi Ik Nigaahe Karam
Hum Gadaon Ka Sarkaar Rakh Lo Bharam
Tujh Se Badh Kar Nahi Aur Koi Sakhi
Sayyidi Murshidi Ya Nabi Ya Nabi

Hum Pe Lutfo Inaayat Farmaiye
Apni Mehfil Mein Tashreef Le Aaiye
Aap Ke Zikr Se Bazm Hai Saj Gayi
Sayyidi Murshidi Ya Nabi Ya Nabi

Khol Ke Baithi Sarkaar Hai Jholiyan
Aap Ki Dasiyan Aap Ki Goliyan
Sab Ko Mil Jaaye Khairaat Deedar Ki
Sayyidi Murshidi Ya Nabi Ya Nabi

Mere Haajat Rawa Mere Mushkil Kusha
Tu Mera Taajwar Tu Mera Aasra
Tu Meri Raushni Tu Meri Zindagi
Sayyidi Murshidi Ya Nabi Ya Nabi

Ho Ye Aabaad Dil Ka Chaman Jayega
Aap Aayenge Har Kaam Ban Jaayega
Aap Ke Lutf Se Baat Sab Ki Bani
Sayyidi Murshidi Ya Nabi Ya Nabi

Tera Qabza Hai Mehboob Har Cheez Par
Sab Ke Jhukte Hai Sar Teri Dehleez Par
Tu Ne Jo Bhi Kahee Baat Ho Ke Rahee
Sayyidi Murshidi Ya Nabi Ya Nabi

Sab Se Aala Taree(n) Teri Sarkaar Hai
Tera Darbaar Khaliq Ka Darbaar Hai
Tere Saaim Ka Kaaba Hai Teri Gali
Sayyidi Murshidi Ya Nabi Ya Nabi