Saj Gaye Yaar Ki Mehfil Ko Sajaane Wale
Mere Mehboob Ka Meelad Manane Wale

Apne Har Ashk Se Palkon Par Charaghan Kar Lo
Mere Mehboob Hain Is Bazm Mein Aane Wale

Tujh Ko sad Laakh Mubarak Ho Haleema Daayi
Aa Gaye Ghar Mein Tere Arsh Pe Jaane Wale

Aamina Paak Tera Chaand Mubarak Tujh Ko
Ho Tere Chaand Pe Qurabaan Zamaane Wale

Door Ab Sab Ke Muqaddar Ka Andhera Hoga
Aa Gaye Chaand Ko Qadmon Mein Bulane Wale

Kis Qadar Kaul Ye Sachcha Hai Raza Ka Saaim
Mit Gaye Aap Ke Azkaar Mitaane Waale