Khushiyo Ki Bahare Laya Ramzan Mubarak Aaya
Dil Joom Ke Mera Gaya Ramzan Mubarak Aaya
Dil Joom Ke Mera Gaya Ramzan Mubarak Aaya
Qur’an Ki Tilawat Hogi Bharpoor Ibaadat Hogi
Qur’an Ka Tohfa Laya Ramzan Mubarak Aaya
Sehri Ki Ajab Rahat Hai Iftar Me Woh Rounaq Hai
Ik Kaif Ajab Hai Chaya Ramzan Mubarak Aaya
Roze Ki Ye Lazzat Dekho Na Pyaas Ki Shiddat Hai Woh
Kya Sabr Hai Hum Ne Paaya Ramzan Mubarak Aaya
Ramzan To Hai Us Ki, Ho Saath Me Maa Jiski
”Turkee” Ne To Ashk Bahaya Jab Ramzan Mubarak Aaya
Allah Meri Maa Ko Ramzan Ke Sadqe Me
Sab Maaf Gunah Karde Jannat Bhi Ataa Karde
Zahra Ka Mile Saaya Ramzan Mubarak Aaya